Helgin....

Helgin rann ótrúlega hratt verð ég að segja, þetta er bara skrýtið. Við ákváðum í gær að skella okkur í bíó, það var kominn tími á að sjá eitthvað af þessum myndum sem voru tilnefndar til óskarsins. Við völdum rétt þegar við ákváðum að sjá Million dollar baby því hún var svo valinn besta myndin í nótt. Þessi var einstaklega góð og snerti vel við manni, það er ekkert hægt að segja um myndina því þá verður það komment spoiler. Annars var þessi helgi svo fín, Frikki hringdi úr kuldanum í London og hljómaði bara þokkalegur. Ég var með strengi dauðans um helgina eins og ég bjóst við. Ég endaði þó ekki eins illa og sumir sem gátu ekki mætt í vinnu í morgun sökum strengja.

Það er rosalegt gluggaveður í Reykjavík núna þar sem hvassviðri er mikið hérna, sjór er úfinn og þotur frá Keflavík eru komnar óeðlilega hátt á loft. Veit ekki hvernig spáin er og ætla svo sem ekkert að gá frekar. Þetta kemur í ljós.

Er að hlusta á Cardigans núna og rólegu lögin sveima um rýmið þannig að ég er rólegur og laus við gargið í fréttamönnum sem keppast við að koma sögum út í hádeginu..

You're The Storm

Oh it's healing bang bang bang

I can hear your cannons call

You've been aiming at my land

Your hungry hammer is falling

And if you want me I'm your country

I'm an angel bored liked hell

And you're a devil meaning well

You steal my lines and you strike me dumb

Come raise your flag upon me

And if you want me

I'm your country

If you win me I'm forever

Oh Yeah

Hreyfingin..

Dagurinn í gær var svona þrjú lúx sem er nokkuð mikið. Ég þreif Opelíus konstanstus XII og hann er alsáttur. Ég tók mig til eftir vinnu og fór að prófa nýja líkamsræktarsalinn í vinnunni, ég var einn þarna í klukkutíma og skemmti mér ágætlega. Ég réðist á þessu helstu vöðvahópa á efri líkamanum og tók nett á því. Þetta verður betra þegar að allar græjurnar eru komnar í gang þarna. Þetta er sniðugt af fyrirtækinu að gera þetta því þetta jú eykur aðeins ánægju mína allavega og þar af leiðandi eykst framleiðnin örugglega um 30% prósent hjá fyrirtækinu, nei smá grín er þetta er fínt maður.

Er búin að vera að læra síðan í morgun og er núna að leggja lokahönd á þetta og svo fer ég og Hjördís að þrífa aðeins. Við ætlum svo að labba í sund þannig að þetta verður aldeilis svakalega fínt, ég er reyndar byrjaður að fá strengi þannig að þrifin verða pínu erfið... læt vita í kvöld þegar að ég sest aftur niður með tölvu í kjöltu.

Ganga

Var að spá í allskonar hlutum á minni stuttu göngu í gær, til dæmis fyrir þá sem að vita ekki hversu hratt þeir eiga að labba þá er Ashes to Ashes lagið með Bowie alveg akkúrat með tempó fyrir þægilegan gönguhraða. Verra er ef að þú ætlar að labba í marga klukkutíma þá getur þú fengið leið á laginu, sem er reyndar mjög ósennilegt ef þú ert með réttu ráði. Núna var ég með geislaspila en ekki kassettu því ég hef ekki búið til nýja ennþá, kannski að ég óski eftir hugmyndum að lagavali fyrir nýja spólu. Spólan er 90 mín þannig að þetta verður að vera gott.

Á leiðinni í vinnu í morgun var verið að spila CCR og mér varð hugsað til Stokkhólms þar sem CCR eiga einn dyggan aðdáenda. Það er ekki slæmt að hlusta á CCR á morgnanna, veit ekki hvort að þeir ná inn á spólu en það má ræða það.

Gönguleiðir...

Gleymdi því að ég var að lesa mér til um gönguleiðir og svoleiðis í Svíþjóð, það er endalaust af möguleikum þar til útivistar, það er alltaf þannig að þegar að ég skoða þetta land þá finnst mér við nýkominn úr torfinu þegar að hlutir eru bornir saman. Komst að því að ég vissi ekki hvað SAAB stendur fyrir en það gæti kannski verið spurning dagsins......

Svenska Aeorplan Aktiebolaget

Dagurinn,

Pínu þreyttur í dag, líður eins og læstum nammibauk á leikskóla þar sem allt er að verða vitlaust. Annars er þetta fínt, já þetta er fínt maður sagði drengurinn þegar að spurt var hvernig maturinn væri. Hef verið að borða lúxussamlokur a la maggi hér í hádeginu. Fer núna og kaupi inn fyrir vikuna og þarf þá ekkert að fara í mötuneytið, þetta er meðan það er. Jæja það er best að fara að gera eitthvað.

Verð í bandi,

Mælingin..

Fór í fitumælingu í gær, svaka spennandi þar sem að boðið er upp á þetta til að hressa mann við. Ég get ekki annað en hlegið af þessu en merkilegt nokk þá er þetta sniðugt....

Bíllinn...

Hvað gerir maður þegar einhver segir kveiktu í bílnum maður, þú verður að gera það. Kannski segir einhver að það sé alveg nauðsynlegt að losa sig við bílinn fyrir málstaðinn. Hvernig væri það ef einhver segði manni að nauðsynlegt sé losa sig við bílinn því að hann sé fyrir eða einskis virði núna þar sem allir bílar af þessari tegund séu að fara af markaði hvort eð er. Taktu allt sem eitthvað verð er í úr bílnum eins og CD spilarann og geymirinn því hann var nýr og þú getur komið honum í verð, dekkin má nota aftur. Þú færð hreinlega ákúrur ef þú ekki gerir þetta núna, það er nauðsynlegt að losa sig við hann. Átti Klara móðir Hitlers einhvern bíl...

Hermenn snúlla snigils

Ég er að sjá að Survivor er að byrja aftur, ég bið um styrk til að detta ekki inn í þessa þáttaröð. Ég nenni ekki að fygjast með þessu enn einu sinni. Annars sá ég í annað sinn þátt á stöð 2 sem fjallar um lýtalækna, leikinn þáttur sem er gjörsamlega klikkaður, þá meina ég ekki að hann sé góður heldur er hann sjúkur. Hvað er annars uppi hérna hjá mér, eiginlega ekki neitt nema þoka, þetta er alveg furðulegt, ætti að sjá hvort að ég nái ekki einhverju í poka til að senda til Frikka í Londres. Annars heyrði ég í Frikka og hann virðist vera hress þó að hann hafi ekki fundið tölvurnar sínar ennþá. Ekki gott mál þar á ferðinni.

Halldór er að setja út á Seðlabankann, skrýtið að hann skuli gera þetta.... já ég fattaði núna hvað það er sem ég er búin að fá leið á, það er þáttarstjórnandi Survivor, First person woted our........þetta er málið, nýjan stjórnanda í þáttinn strax..... Hjördis er í símanum og ég ætla að laumast út að reykja, meðan að ég má það ennþá, annars var eitthvað jákvætt um það í fréttum....

Munið eftir Snúlla........

Uppblásið.........

Hef verið að spá í þessari þoku sem liggur yfir Reykjavík núna, þetta er eitthvað skrýtið. Snjór og læti í Stokkhólmi samkvæmt nýjustu fregnum frá félaga þar. Það hefur bara verið nettur gebbi hér í vinnu og svo er nóóóóóóg að gera í skólanum. Er að fara að lubbast af stað í skólann en kem við heima til að taka sturtu og svona. Núna þarf maður að fara skipuleggja sumarfríið og hugmyndir eru vel þegnar............

Vinna dauðans......

Ég hef ekkert náð að blogga núna en ég er að blogga núna. Fór að vinna á laugardegi sem er ekki það skemmtilegasta þar sem að ég hef nóg annað að gera. Ég var alveg uppgefinn eftir föstudaginn þannig að helgin hefur verið í móðu. Við skelltum okkur á 101 hótel í gær og snæddum fínan kvöldmat enda var ég ekki hæfur til matseldar, vatn hefði brunnið við hjá mér í gær. Sterkur kaffi fylgdi í kjölfarið þannig að ég hafði rænu til að koma mér í sófann. Hjördís var á fjarstýringunni þannig að ég endaði á að horfa á Schindler´s list. Úbbssss verð að fara.

Dagurinn

Dagurinn var tekinn snemma, nánar 05:30 og drengurinn óð af stað í vinnu. Það er eitthvað guðdómlegt við að vera á ferli á þessum tíma nývaknaður frekar enn ósofinn eins og í gamla daga. Veðrið spilaði flotta línu og það var einhver bassagangur í sólarlaginu. Það var með ólíkindum hvernig þetta var allt saman. Ég fór og hljóp tæplega 5 km í gær og það var algjör snilld, fullt af liði var komið á skokkið og það var einhver vorfílíngur þarna í öskjuhlíðinni. Ég var nett þreyttur þegar að ég lagðist á koddann um 23:00 þannig að þetta endaði í góðum nætursvefni. Ég verð að vinna eitthvað fram á kvöld en vonast til að hitta félaga mína í kvöld eins og venjulega á föstudagskvöldum. Læt heyra í mér seinna í dag...........

Sé á síðustu bloggfærslu að ég hef verið pirraður, ágætt að verða pínu pirraður stundum....

Af Mbl............

"Siv Friðleifsdóttir, þingmaður Framsóknarflokks, og þrír aðrir þingmenn, hafa lagt fram frumvarp á Alþingi sem gerir ráð fyrir að tóbaksreykingar verði ekki leyfðar á veitinga– og skemmtistöðum.
Meðflutningsmenn Sivjar eru Ásta R. Jóhannesdóttir, Samfylkingu, Jónína Bjartmarz, Framsóknarflokki og Þuríður Backman, Vinstri grænum." (C/P af mbl.is)

Skyndilega fannst mér bara fínt að Sif hafi verið hent út úr skrifstofunni sinni fyrrverandi. Hún er með fullt af veiðimönnum á bakinu og nú vill hún fá reykingafólkið líka....ekki merkilegur pappír þar á ferð....

Þetta er nóg til þess að ég kýs fasistana tvisvar ef ég kem því við..........anskotans kjaftæði í þessu fólki..................Maður endar eins og félagi í Stokkhólmi sem þurfti að fara inn í fiskabúr til að fá sér vindil.....

Hvað svo............

Það hefur ekkert verið í höfðinu á mér sem átt hefur erindi hér inn, ég veit ekki hvað þetta er. Ég er að reyna að komast í almennilegan skólagír sökum þess að ég hef ekki verið að leggja nógu mikið á mig. Það hefur verið minna að gera hjá mér í vinnu þannig að þetta ætti að ganga upp, það bara er svo furðulegt að þegar að smá dauður punktur kemur þá nenni ég engu. Þetta er sennilega eitthvað sjúklegt og ef ekki þá verður það sjúklegt á næstunni. Fór að hlaupa í gær og það var ágætt, ég þyrfti að vera aðeins duglegri að fara af stað og best væri að ná þessu þrisvar á viku. Það verður opnuð líkamsræktaraðstaða í vinnunni bráðlega og þá getur maður notfært sér það ef vilji er fyrir hendi, endurgjaldslaust. Fór til tannsa í dag og hún var bara nokkuð sátt við ástandið þar á bæ, svo ætlaði ég að skipta um símafyrirtæki en þjónustufulltrúinn sem ætlar að sjá um þetta fyrir mig er í veikindum. Labbaði aðeins í smálindinni og fannst eins og venjulega að ég væri staddur í erlendu molli, næ ekki að komast yfir þennan fílíng. Ég er Kringlumaður og er alveg rosalega stoltur af því, enda er það í nágrenni við heimilið þannig að viðhorfin eru kannski ögn smituð af því.

Það sem mig vantar er smá viðhorfsbreyting með slettu af ánægju og lífsgleði, ég er samt annsi sáttur við allt en það er ekki alltaf sem maður er að toppa, það er bara þannig..........

Heyrði að Jet Black Joe væri á Gauknum, hvað má hljómsveit hætta oft áður en hún fær rauða spjaldið???????

Smá info í tónlistarheiminum....

Hér er mynd af gítargræjum sem gítaleikari Cardigans Peter er að nota við upptökur á nýrri plötu þessa daganna. Ég trúi vart að það sé að koma ný plata því að seinasta plata var þvílík snilld að ég er ennþá að básúna yfir henni. Ég hef minnst á þá plötu fram og aftur hérna á blogginu en nú fer það að breytast þegar að ný plata dettur inn. Setti mynd inn af trommunum en það er kannski ekki góð mynd, nóg fyrir mig samt.

RÚV - Flugvöllur

Var búin að skrifa þokkalegan pistil um RÚV en hætti við sökum þess að ég nenni ekki að básúna um þetta. Annað sem mig langar til að básúna um er flugvöllurinn en ég nenni því ekki heldur.

Kannski er best að stofna nýja útvarpsstöð í Vatnsmýrinni, útvarp Falur.......

LAU _ SUN

GSM síma fékk ég lánaðan til að redda mér í nokkra daga, nú ætla ég að skipta um símafyrirtæki vegna þess að ég ætlaði að vera búin að því fyrir löngu síðan. Kannski pínu heimskulegt að skipta við tvö símafyrirtæki á sama heimilinu. Þetta er líka ekkert mál núna þar sem maður getur haldið símanúmerinu. Það er svo leiðinlegt þegar að einstaklingar eru að skipta um símanúmer eins og villtir menn. Það fylgir ekkert annað með nýju númeri en nýtt númer.

Helgin hefur runnið áfram og við höfum haft það rosalega gott. Matarboð og barnaafmæli sömu helgina á sama staðnum, allt fljótandi í kræsingum og allt alveg rosalega gott.

Síminn....

Barasta að láta vita að ég verð sennilega að frelsa einn síma úr verslunum þar sem að minn er gjörsamlega orðin geggjaður. Hann átti að vekja mig í morgun en hann hefur ekki enn hringt. Það fyndna er að ég fann þetta á mér og vaknaði sjálfur fimm mínútum áður en hann átti að hringja til að fylgjast með honum. Annað mál er það að ég nenni ekki að fara og leita mér að síma, þaö er svo hryllilega leiðinlegt að spyrja um einhverja fídusa og græjur en ég fékk þó ágætis info frá símafólki í gærkveldi. Kemur í ljós en þangað til er ég sambandslaus,,,,,

Alias

Gat það verið að maður yrði skilinn eftir í formi spurningarmerkis eftir áhorf á síðasta þátt þriðju seríu af Alias. Hvar endar þetta, ég hélt að það yrði smá endarokk en þetta þurfti endilega að verða þannig að maður gekk um gólf og vonaðist til að fá fjórðu seríu senda inn um gluggann af guði sjálfum.

Spjallaði við félaga Stenmark í gær og hann var úberhress að vanda, náði ekki að klára spjallið þar sem RÚV þurfti að vera tímanlega með Alias þáttinn. Ég fór áðan til læknis og það var furðulegasta ferð í heilsugæsluna hingað til, ég er allt í einu kominn með 30% betri heyrn og var bannað að nota eyrnapinna til að hreinsa eyrun forever.... aldrei veit maður neitt, afhverju var engin búin að segja manni það fyrr að það sé alveg út í hött að nota eyrnapinna í eyrun. Misskildi ég þetta eitthvað, til hvers eru eyrnapinnar? ég spyr.

Dagurinn lítur vel út, nóg að gera og helgarfríi frá vinnu framundan. Lærdómur verður þokkalegur sökum prófs á mánudag. Er að hlusta á plötuna Tonk og the lawn með Agli Sæbjörnss, þvílíkur snillingur sem þessi maður er. Platan er bara tær snilld og það sýnir sig að góð tónlist verður ekki til í góðum græjum, ég meina að það er hægt að gera þetta minimal með lítið af græjum og helst heima í stofu. Ég væri til í að Egill snaraði á eina plötu í viðbót, hann á fullt erindi í þessa skemmtilegu flóru sem í gangi er í dag.

Heyrði að fjármálaráðherra er að leita af mismuninum á genginu og útsöluverði í búðum, kannski að hann ætti að setja saman nefnd til að rannsaka þetta, þetta hlýtur að finnast í húsasundi einhversstaðar. Hann var kannski meira að auglýsa eftir þessu og ætti kannski að setja heilsíðu í fréttbréfið sitt Morgunblaðið.

Eyrun af....

Er búin að vera með þrálátan þrýsting í eyrunum í of langan tíma, pantaði mér tíma hjá lækni í fyrramálið. Annars er allt þokkalegt nema hvað Hjördís er að verða geðveik á hrotum í drengnum. Ég hef ekki náð að vinna mig alveg út úr þessu veikinda rugli og er viss um að ég verð settur á fúkkalyf sökum eyrnaverksins. Í kvöld er síðasti þátturinn af Alias og það verður stuð í höllinni. Ég er orðin þokkalega spenntur að sjá hvernig þetta endar allt saman.

Ég er farinn að skulda símtöl um allan heim og verð að fara taka spjallhring, ég skammast mín bara fyrir þetta. Er ekki búin að lesa blöðin í einn mánuð en ég veit að bæði forsprakki vinstri grænna og Björn B eru viuð hestaheilsu því ég mætti þeim í síðasta skokki. Ég er í fréttabanni (innlendu) því ég hef nóg annað að hugsa um. Ég var þokkalega sáttur við frammistöðu í prófunum í vikunni en ég á þó eftir að sjá hvernig gekk.

Reyk víkingurinn fljúgandi.

Fann sterkt fyrir því um helgina að ég er Reykvíkingur. Þetta uppgötvaði ég þegar að ég var kominn í leiðsöguhlutverk í 16 manna Ford Econline sem brunaði um götur Akureyrar og beygði í þær áttir sem ég sagði honum að gera. Ég þuldi aðeins upp litlar staðreyndir um það hvar við vorum hverju sinni og hvað bæri fyrir augum. Ég hefði getað sagt sögur að því þegar Akureyringar þurftu að sverja eið á Eiðsvelli fyrr á öldum en ég sagði þeim frekar að þetta væri fínn leikvöllur, ég benti á bíóið en nennti ekki að útskýra hversu ótrúlegur skemmtistaður hefði verið þarna sem kenndur var við tæplega þrjátíu (29). Við keyrðum um nýju hverfin á Akureyri og menn geispuðu yfir allri útbreiðslunni meðan að ég var að ýminda mér hvaðan Akureyringar hefðu fengið fólk til að fylla upp í þetta allt saman. Þegar að ég stundaði nám í Verkmenntaskólanum þá geispaði ég oft yfir hestunum sem ég sá fyrir utan gluggann, nú er barasta kominn byggð þarna. Þegar að keyrt var upp og niður Gilið þá lítur það ágætlega út en það var engin sem hafði áhuga á því að vita að þarna er Listasafn sem er orðið ótrúlega vinsælt um allan heim, segi kannski ekki vinsælt en það er mjög virt í þessu öllu saman.

Málið er bara það að ég átti mjög góðan tíma þarna á árum áður en þetta er ekki sami bærinn í dag, hann er fallegur ef veðrið spilar með og margt skemmtilegt hægt að gera en það er líka eitthvað pínu fráhrindandi líka. Ég fékk mér latte á Glerártorgi og var að skoða fólkið þarna í leiðinni, þetta minnti mig á Mjóddina á slæmum degi, get ekki sett puttann á þetta en lattebollinn var samt fínn enda kominn með bullandi fráhvörf af kaffivöntun. Ég er ekki að tala illa um bæjarlífið á Akureyri heldur benda á það að ég er ekki búin að búa þarna lengi og tengingin er að dofna með degi hverjum. Þetta er að verða eins og eitthvað sem ég las í bók einhversstaðar.

Fólkið mitt býr þarna og það er tenging sem dofnar ekki en ég er viss um að þetta fólk mun færa sig til Reykjavíkur á næstu árum.

Nóttin.

Þegar að ég sef illa þá er eitthvað skrýtið á seyði, eitthvað mikið skrýtið. Það er eitthvað nett gott við að vera illa sofinn, maður mókar svolítið í kringum kaffikönnuna og segir miklu oftar "ha" heldur en gengur og gerist. Þetta er eins og þegar maður horfir á sjónvarpið með öðru auganu, bíddu hvenær horfi ég á sjónvarpið með öðru auganu, hvað um það, ég verð svona aðeins til hliðar í þessu öllu saman.

Akureyri

Flaug til Akureyrar klukkan átta á laugardaginn og var svo syfjaður að það var ekki fyndið, lenti í vandræðum með digital ísland kvöldið áður. Það var rosalega fallegt veður á Akureyri þennan dag og gaman að sjá hvað bærinn getur verið fallegur ef veður og lýsing spilar með. Ég var að brasa þarna fram eftir degi og hitti svo systur mína hana Lindu of fjölskyldu hennar. Við sátum í rólegheitunum og spjölluðum um heima og geima, mikið gæðafólk þar á ferð og ég stoppaði miklu lengur en ég ætlaði. Ég fór svo bara að sofa enda alveg gjörsamlega búin á því. Mamma er búin að fá sér kaffivél dauðans og ég gjörsamlega sleppti mér í kaffidrykkju. Sunnudagurinn birtist svo nokkuð pirraður og blés vel úr nös. Hópurinn sem var með mér safnaði sér saman og sleppti sér í bernesósu á Bautanum. Svo var farið í Brynju og þar var ís í eftirmat, allar klisjurnar voru þurrmjólkaðar í þessari ferð. Ég átti flug klukkan þrjú og það var ekki víst hvort að veðrið mundi leyfa það. Við biðum á flugvellinum og vonuðumst til að sleppa í flugið svo að við þyrftum ekki að keyra suður til Reykjavíkur. Vélin fór af stað og ég hef ekki lent í jafn klukkaðri flugferð ever, það var ókyrrð alla leiðina og flughræðslan mín fór í að hughreysta sessunaut minn sem að ældi tvisvar á leiðinni. Svona er þetta bara en ég var þokkalega búin eftir þessar 50 mínutúr þarna í loftinu. Það var gott að slaka á í gærkveldi heima í faðmi Hjördísar. Nú er vinnuvikan byrjuð og það verður brjálað að gera hjá mér, ég á eitt próf í kvöld og annað á morgun.

Dagurinn..

Phúff skítkallt í dag en dagurinn annars flottur. Hefur einhver áttað sig á því hvað vinnuvikan flýgur hratt, það er ekki fyndið að alltaf sé kominn helgi strax eftir að mánudagurinn er tæplega búinn. Maður er alltaf að segja ,,góða helgi", eins og ekkert annað sé að gerast í lífinu en að fara í helgarfrí. Svolítið vont, svolítið gott.

Morgunvaktin.........

Vaknaði aðeins of seint og líður eins og krókódíl sem er að fara að sofa en á eftir að bursta í sér tennurnar, gríðarlegt verk fyrir höndum. Gaman var að sjá Hjálma spila í gær og algjör snilld að sjá Esther með þeim og bumbubúan hennar. Sumir byrja snemma að skemmta öðrum.

Verðlaunin..

Ég er að horfa á íslensku tónlistarverðlaunin, djöfull eru Mezzoforte góðir spilarar, verst hvað þeir eru hundleiðinlegir.

Dagurinn.

Búin að finna það út að miklu betra er að reykja ekki þegar að lungnakvef hrjáir mann. Nikótíntyggjó er nú í vasa mínum og er það barasta í fína lagi. Nóg að gera skal ég segja ykkur, skóli á blússi og vinnan einnig. Ég á tvö próf í næstu viku og verð að standa mig þar sem þetta er stór partur af því að klára áfangana. Svo þarf ég að sinna vinnutengdum málefnum á laugardag og part af sunnudegi. Þetta reddast allt saman sökum þess að ég er farinn að lagast af veikindum, fakírinn farinn og allir sofa sem ungabörn, eða allt að því.

Merkilegt hvað mikill vorfílingur er í lofti þegar viðrar svona vel, þetta á samt eftir að breytast samkvæmt nýjustu heimildum frá Dalbæ. Hvað er annars að frétta af veðurklúbbnum þar á bæ. Var þetta einhver bóla eða one hit wonder, ég spyr...

Borðaði sænskar kjötbollur í hádegismat og skolaði því niður með kaffi latte. Eitthvað ör eftir kaffidrykkju í morgun og það er gott.