HMM

Já það er nú svo.

Dagurinn og gærkveldið...

Er búin að vera að læra í morgun og svo er stefnan sett á að laga til á heimilinu sem ég hef varla séð síðustu daga. Gat ekki sofið fyrir öskrum í ísskápnum sem er gjörsamlega tómur. Það verður gerð út ferð til að bjarga því. Hló mig máttlausan í gærkveldi þegar að ég spjallaði við félaga minn í Stokkhólmi og við fórum yfir víðan völl brandaraflórunnar sem við eigum eftir eins árs samvistir á skrifstofu þar í borg.

Ég fór í svona all you can eat, all you can drink in three hours veislu í gær og það sannaði kenningar mínar um stjórnleysi landans. Ég fór svo í heitan pott og heimsótti mína andlegu miðstöð á hjara veraldar, suddalega gott. Ég átti stutt spjall við hinn ótrúlega 79 ára gamla langhlaupara í pottinum, það var þó einungis sökum þess að ég vildi fá eitthvað annað umræðuefni en hvernig svitaholur rjúpunar virka. Ég spurði hvað hann væri nú orðinn gamall og hann sagðist vera tæplega hundrað ára til að byrja með en ég náði að fá nákvæmari tölu eins og kom fram hér áðan.

Hjördís var sett í pössun hjá frænku sinni þar sem hún fékk að slaka á og hafa það gott.

Þetta er klárt.

Maggir's national animal is the cat, which frolics freely in the nation's many lush forests.................

þetta varð niðurstaðan á því að samþykkja tillögu Abraham Wu þess virta lögfræðings í ríki mínu með aðstoð frá forritara í BCN. Ég er allavega sáttur.

Þetta eru sýnishorn af þeim erfiðu málum sem þarf að skoða og ákveða í ríkinu í dag.

The Issue
After several reports of pet cats violently attacking, injuring, and even killing citizens, there has been growing pressure from public safety activists for the government to take action.

The Debate

"These creatures are a danger to the public and must be destroyed!" says Sue-Ann Summers, representative of the Public Institution for Social Safety, Equality, and Direction. "I was attacked by one just on the way here and I nearly lost my life! They're a public menace. We must shoot and burn them!"

"Why punish the poor things?" asks animal-lover Tobias Hanover, covered in scars from previous encounters with cats. "All they need is good hands to care and rehabilitate them. We need a government education programme to tame them and turn them into loveable pets. The one I'm holding right now shows that it can be done. They are all good, kind creatures deep d- argh!"

"I agree that we shouldn't kill them," says Abraham Wu, a famous lawyer. "But I don't think the owner should get away with breaking the law! This is clearly a case of 'intent to greviously harm' if I ever saw it. All citizens should be held accountable of their pet's actions as if they had done the act themselves. It's the only way to be fair - after all, they're just dumb animals.

"Who cares!?" screams Johann Frederickson as he sends out his pirate radio station broadcast. "Just repeal any laws preventing us from shooting the things when they attack and we'll be able to save ourselves without this stupid, authoritarian, overbearing government and legal system wasting our tax money!"

Hvað á maður að velja af þessu..

Fréttir úr ríkinu...

The Empire of Maggir

The Empire of Maggir is a very large, environmentally stunning nation, notable for its burgeoning cat population. Its hard-nosed, hard-working, intelligent population of 84 million have some civil rights, but not too many, enjoy the freedom to spend their money however they like, to a point, and take part in free and open elections, although not too often.

It is illegal to make racist remarks in public, prime real estate is devoted to wind farms and solar energy generators, extreme political groups are outlawed, and X-Files ratings have hit an all-time low. Crime is moderate, and the police force struggles against a lack of funding and a high mortality rate..

Spennandi þáttur.

Minni á nýja þáttaröð á stöð 2 í desember, Svaðilfarir módettukórs hvalsneskirkju. Í þessari syrpu verður fylgst með ferð kórsins til Nepal í sumar þar sem kórinn söng fyrir alla þá göngugarpa sem áttu viðkomu í þorpinu Birithante. Endalausar uppákomur og skemmtilegheit eru meginþema þessarar þáttar og má nefna dæmi eins og þegar hellirigndi á söngblöðin þeirra og þegar að íbúi í þorpinu hjólaði fram hjá þeim í miðju lagi. Ekki klikka á þessu.

Dekkjastríðið..

Ég lagði af stað í vinnu í gærmorgun án vitneskju um bruna í dekkjahrúgu í nágrenni við bústað borgarstjórans okkar nýja. Auðvitað brunaði ég í átt að Sæbrautinni og var stöðvaður með bendingum frá ekki svo handalöngum lögreglumönnum (kona+karl). Minni á meðalstærð sænskra lögreglumanna sem er 2,05 m. Ekki málið þannig lagað nema að ekkert var reynt að gera til að auðvelda hundruðum einstkaklinga sem voru á leið í vinnu, frekar en fyrri daginn.

Það er ekkert sjálgefið að maður sé með stillt á öryggisútvarp okkar landsmanna, Tvíhöfði minntist ekkert á þetta þannig að ég vissi ekki hvort að skip hefði verið sprengt upp eða hundruðir liðsmanna Al-qaeda væru komnir á fund við Björn B til að biðja hann að slaka á því við værum ekki næstir í röðinni.

Hvað um það, ég komst loksins í vinnu og gat óhræddur opnað concorde og farið að vinna og engin lykt af brennandi dekkjum hrjáði mig. Kveikti á sjónvarpinu í hádeginu til að sjá hvað væri að gerast í stöðunni 3-2 fyrir brennandi dekk og sá þá viðtal við núverandi borgarstjóra. Ég hef skyndilega fyrirgefið fyrrverandi borgarstjóra fyrir allar hans misgjörðir og stefni að því að gefa honum bensín eða aflátsbréf ef hann kemur aftur. Maður má skipta um skoðun.

Ég þurfti að flytja fyrirlestur í skólanum í gær og það gekk nokkuð vel, ég er langt komin með verkefnin en samt þarf síðasta skorpan að vera grimm. Maður lifandi hvað verður gaman þegar þetta verður búið. The man who sold the world, það er eitthvað ofur þegar að hæstu tónar gítarsólósins hljóma.

Dagurinn er þéttur og veðrið er fínt, ég hef ekkert verið að hreyfa mig og af þess sökum er ég að sofa illa og er með þreytu í hvirflinum, kaffi og diet coke kemur manni visst langt en það er eins og að pissa í skóinn sinn, skammgóður vermir. Lausnin felst ekki í meiri svefni heldur meiri hreyfingu sagði mátturinn við mig i morgun. Ég stóð mig vel um daginn þegar að ég las næstum öll hlutverk í heilli star wars mynd fyrir frændur hennar Hjördísar, ekki það að ég elska Star Wars hvort eð er, ekki skemmdi fyrir að mikið af senunum í þessari mynd voru teknar upp í Túnis.

Snilldin sem ég missti af á sínum tíma.

Það fyndnasta sem ég hef heyrt lengi eru hljóðbútar frá Þorsteini Guðmundssyni. Það er syrpa sem heitir Krypplingurinn.... sem ég grenjaði yfir. Þetta finnst mér lýsa vel hversu erfitt lífið er hjá fólki. Lúxusvandamálin að buga fólk, mæli eindregið með þessu. Hérna er þetta.

Kuldinnnnnnnnn.

Esjan er bæði sjúkleg og geðbiluð að sjá í dag, snjórinn og birtan frá sólinni lýsa hana upp þannig að hún er sem vel slípaður demantur. Það væri himneskt að geta stungið af úr vinnu og labbað upp á topp. Fyrir utan gluggann er 10 stiga frost sem er glettilega kallt. Liðirnir eru vel stífir og nefið vel rautt og blátt eftir að hafa gengið smá utandyra. Það verður þó ekki af óskhyggju minni og ég verð að vinna og vinna og vinna aðeins meira.

Í kvöld er það svo ALIAS, eitthvað til að hlakka til. Ég sá að óveður er í Skandinavíu og ég vona að félagar mínir þar hafi það gott einhversstaðar innandyra með kaffivélina nálægt sér.

Ritgerðin.

Er að gera verkefni í skólanum sem tengist heimilisofbeldi, tengist ekki beint því hún er um heimilisofbeldi. Í þessu sambandi er ég að safna heimildum og lesa helling um þetta. Ég sá áhugaverðar pælingar um þetta og ákvað að setja þær hérna fyrir neðan.

Heimsþorp

Hvernig lýtur ofbeldi gegn konum út ef við smækkum heimsmyndina niður í 1000 manna þorp (tölurnar byggja á tölfræði Sameinuðu þjóðanna, Alþjóða heilbrigðisstofnunarinnar, ríkisstofnana og óháðra samtaka sjálfboðaliða)?

500 eru konur.
Þær hefðu verið 510, en 10 fæddust aldrei vegna kynbundinna fóstureyðinga eða dóu á barnsaldri vegna vanrækslu.
300 kvennanna eru asískar.
167 kvennanna þurfa að þola barsmíðar eða annarskonar ofbeldi einhvern tímann á lífsleiðinni.
100 kvennanna verða fyrir nauðgun eða nauðgunartilraun einhvern tímann á ævinni.

Allt að 70% myrtra kvenna falla fyrir hendi sambýlismanns (WHO 2002)

Kostnaður vegna heimilisofbeldis í Kanada nemur 1,6 milljarði dollara (112 milljörðum íslenskra króna), þar með talinn er lækniskostnaður og framleiðnitap (UNICEF 2000).

Á 5 daga fresti var kona myrt af sambýlismanni á Spáni árið 2000 (Joni Seager, The Atlas of Women).

Maður verður bara brjálaður að rýna í tölur af þessu tagi, hvað er að gerast í þessum sjúka heimi.......

Dagurinn.

Gerði heiðarlega tilraun í morgun þar sem að Opel vantar nagladekk undir sig. Ég gafst upp eftir einn og hálfan klukkutíma í röð, ekki sáttur við þetta dæmi. En á þessum tíma í röðinni þá talaði ég við Gumma í Osló, hann nokkuð sáttur og brjálað að gera í kvikmyndabransanum. Það er gott að heyra að flestum gangi vel.

Ég er með svo mikið af verkefnum sem þarf að klára fyrir des að það er ekki fyndið, þetta verður maraþonið mikla næstu daga. Annars er ekkert að frétta þannig lagað. Keypti Mazzive attack disk til að komast á annað tilverustig svo að ég drepist ekki úr leiðindum um leið og ég er að vinna.

Touching the voide


Sá myndina Touching the voide í gær, þetta er ein svakalegasta mynd sem ég hef séð í langan tíma. Þetta er sönn saga af því þegar að Joe og Simon klifruðu upp vesturhlið Siula Grande fjallsins í Perú. Þetta er svo hrikaleg saga að maður hló og grét yfir þessu öllu saman. Þetta vekur upp enn meiri áhuga hjá manni til að labba upp á hóla. Ég mæli bara eindregið með þessari mynd, svo er einnig tvær heimildamyndir á DVD útgáfunni.... Rosalegt dæmi.

Dagurinn..

Hámörk dagsins eru ekki annað en spurningar um hvort að tími sé fyrir vetrardekk, eða ekki. Einhverjir eru að spá í kennara og aðrir í útför Arafats. Ég er hinsvegar að spá í hvort betra sé að vera fyrsta eða önnur flauta í Sinfóníunni. Alias þátturinn í gær var svo æsispennandi, ég var við það að missa vitið. Það er alveg óhugsandi að bíða í eina viku eftir næsta þætti, þetta er of mikið af því góða. Annars er ég alltaf að bíða eftir að fá hringingu og boð um að vera laufskálagestur, annars fékk ég tvö símtöl í gær.... Buxurnar eru loksins komnar í Útilíf og svo var ég boðaður í sjósund til móts við forseta Íslands... Ég er ekki tilbúin í að synda í 6 gráðu heitum sjó núna, samt gott boð.

Innstimplun,,,,,

Bara rétt að láta vita að ég er á lífi, það er brjálað að gera og fátt sem ég er ekki búin að gera í vinnunni í dag. Hitti Stein IT gúrú og Navision mógúl og við tókum púlsinn á sænsku kjötbollunum í IKEA. Það er regla hjá okkur að gera birgðatékk á bollunum til að sjá hvernig þeir standa sig í þessu. IKEA kom ágætlega út úr þessu aðallega sökum þess að gott kaffi var á boðstólnum. Steinn var úberhress og ósofinn sökum vinnu eins og venjulega.

Ég er að reyna að drífa mig í skólann en ég fann fyrir móral sökum þess að ég hef ekkert bloggað að ráði......

Læt heyra í mér á morgun.......

P.S ALIAS í kvöld...................

Ríkið mitt..

The Empire of Maggir is a small, socially progressive nation, remarkable for its burgeoning cat population. Its hard-nosed, intelligent population of 14 million are fiercely patriotic and enjoy great social equality; they tend to view other, more capitalist countries as somewhat immoral and corrupt.

Veit ekki hvort að ég sé að stýra þessu eftir bestu vitund, sumar ákvarðanir hafa verið teknar yfir fyrsta kaffibollanum.

Helgin........

Hef haft það súper gott síðustu daga, Föstudaginn var á þá leið að ég fór úr vinnu klukkan fimm og henti mér í hlaupagallan og tók 5 km í brjáluðu hvassviðri, það var eitthvað furðulega gott við að hlaupa í myrkri nálægt sjónum og standa næstum í stað sökum veðurs. Eftir þetta skellti ég mér á Sólon og fékk mér risotto og las blað. Sund og gufubað tók síðan við eftir þetta og ég var orðin eins og nýji þúsundkallinn.

Laugardagurinn var önnur eins snilld, við skelltum okkur út að borða með Kristjáni og Dagný, svo var farið og spilað fram á nótt. Strengir í maganum eftir hláturinn á þeim bænum, þetta eru snillingar. Sunnudagurinn var svo lærdómur og kringlan, verslað í matinn og eldað. Mikil snilld sem þessi helgi var.

Nú er kominn þriðjudagur og ég er á haus í vinnu og skóla eins og venjulega, gremjulega gaman að sjálfssögðu, það vantar ekki.

Það er tilhlökkunarefni að vita af fríi bráðlega, þó það sé bara skólinn. Verð að fara klára þetta svo að ég haldi heilsu (geð).

Snilldin..

Partur af góðum session myndum, það eru fleiri góðar myndir hér.

Aðgangsstýring dagsins.

Var í nokkrar sekúndur að fatta það að mbl á netinu hefur nú takmarkað aðgang að fréttum. Nú þarf maður að vera áskrifandi til að lesa hitt og þetta. Byrjaði á að hlæja og svo hló ég ennþá meira, hvað er að þessu liði, sennilegt að ég drífi mig í því að hringja til að gerast áskrifandi. Sem stoltur íbúi í 60fm íbúð í hlíðunum þá hef ég komist að því að ekki er pláss fyrir eitt morgunblað á hverjum degi í íbúðinni, þetta er kannski ýkt en miðillinn sem slíkur mundi ekki minnast á það ef Davíð væri tekinn á 350km hraða á Miklubrautinni, á móti umferð, þetta er kannski ástæðan fyrir því að ég er ekki að surfa á mbl.is núna.

The empire of maggir.

Í ríki mínu var ákvað borgarstjórinn að taka hlé í óákveðin tíma sökum þess að hann var starfsmaður í fyrirtæki sem er sakað um verðsamráð. Hann ákvað það sjálfur að stíga til hliðar sökum þess að hann er meðvitaður um það að borgarbúar vilja gera upp hug sin í þessu stóra máli. Hann þumbast ekki áfram og bíður eftir að öldur lægi, nei hann er alvöru.

Bush að hafa þetta............

Ákvað að stofna mitt eigið veldi í hádeginu fyrst að þetta fer svona.

The Empire of Maggir

UN Category: New York Times Democracy

Civil Rights:Very Good

Economy:Good

Political Freedoms:Superb

The Empire of Maggir is a tiny, socially progressive nation, renowned for its burgeoning cat
population. Its compassionate, hard-working, intelligent population of 6 million enjoy a sensible mix of personal and economic freedoms, while the political process is open and the people's right to vote held sacrosanct.

The medium-sized, corrupt government juggles the competing demands of Social Welfare, Education, and Healthcare. The average income tax rate is 15%. A substantial private sector is led by the Basket Weaving industry, followed by Soda Sales and Pizza Delivery.
Crime is a problem, and the police force struggles against a lack of funding and a high mortality rate.
Maggir's national animal is the cat and its currency is the maggirkronur.

Grunnurinn....

Ætli það hafi ekki verið ruglingslegt þegar menn voru að grafa grunninn í húsinu hans Kára Decode. Spurningar eins og " ert þú að vinna í grunninnum hjá Kára,, eða " er ekki grunnurinn að verða búin,, .......... Nei ekki gagnagrunnurinn, heldur húsgrunnurinn. Hver borgaði fyrir grunn með grunni. Hver er svona grunnur að skrá sig ekki úr grunninnum en vinna samt við að grafa grunninn. Er þetta kannski og grunnur, grunnur?

Skrýtið...

Svo var grunnurinn hans Davíðs rétt hjá grunninnum hans Kára, samt hjálpaði Davíð Kára með grunninn en Kári gerði ekkert í grunninnum hans Davíðs, grunsamlegt.....grunnsamtlegt athæfi í þessu grunna grunnamáli sem var svo kannski ekkert grunnt eftir allt saman..

Þetta hugsaði ég meðan ég beið eftir því að sofna..... er ég að missa það?????

Skoðunin.

Fór með ljónið í ábyrgðarskoðun í morgun, sótti hann í hádeginu og komst að því að verkið hafði verið reiknað með belgvettlingum og skrifað með hrífu. Hversu mikið er hægt að rukka fyrir að horfa á bíl......augun úr........

Dagurinn........

Nú er 1. nóvember 2004, getur einhver bent mér á hvað varð um síðustu mánuði. Ég trúi ekki að einn mánuður sé í próf, fjórar vikur, 30 dagar, þetta er ótrúlegt.

Dagurinn í dag var heldur tíðindalaus þó svo hann hafi verið fínn, vinna, hlaup, matur skóli og einhver símtöl. Þarf að passa mig á að vera agaður næstu vikur án þess að missa vitið, þ.e að vitið renni til og ég fari að svara með skætingi. Fann það í dag að ég hef ekki endalausa þolinmæði gagnvart fólki sem vill vera í vindmyllubardögum fram eftir öllum aldri, þessi þolinmæði er samt til í formi þess sem kallast þroski og að vita betur án þess að þurfa að láta það uppi.

Í fréttum er svo lítið að kannski er best að segja frá því að Peugeotin er að fara í skoðun og hressingu á morgun klukkan átta, ekki fréttnæmara en eldgos en frekar eitthvað sem að bíllinn vill lesa um.

Ég er að byrja á stóru verkefni um heimilisofbeldi og mig kvíður aðeins fyrir því að hella mér í það sökum þess hversu skuggalegt þetta málefni er. Þetta er svo algengt að fáir gera sér fullkomlega grein fyrir því. En hvað um það ég verð að leggjast yfir þetta.

Ég og Hjördís höfum það rosalega gott og vorum eins og samlokur alla helgina, eftir laugardagssteikina settum við disk í græjurnar og skemmtum okkar stórkostlega við það að rifja upp S.H draum og þá snilldar tónlist sem að þeir gerðu. Þvílík snilld sem að þessi tónlist er, textar ekki af verri endanum eins og "ég er trúboði frá Salt Lake City og boða heimsendi í Breiðholti,, ...
Þetta er platan..
S.H.DRAUMUR - ALLT HEILA KLABBIÐ CD Gefið út 1993 í 1000 eintökum. Uppselt.

Mikið af efninu kemur meðal annars af plötunni Goð sem að er í boði til niðurhals á síðunni hans Gunna.

Jæja það er kominn háttatími, verð að sofa til að virka, ef að ég virka ekki þá sofna ég............................

Góða nótt.