Góða helgi stóri heimur.......

Nýja fyrirtækjahornið.

Það er til fólk sem að þarf að fara upp í vissa hæð daglega til að lifa af. Það er sjúkdómur sem að nefnist altitudefernon og er að aukast mikið í löndum nálægt miðbaugi. Það er lísnauðsynlegt fyrir þetta fólk að komast í vissa hæð yfir sjávarmál á hverjum degi til að þjást ekki af höfuðverk og ógleði. Það hafa engin lyf verið til á markaði til að slá á þetta ennþá. Það er þó eitt fyrirtæki Svíþjóð sem að hefur verið að vinna að lausn á þessu vandamáli. Kolur Sverige AB hefur verið að þróa teygjubyssu sem að gæti skotið fólki upp í verulega hæð. Fyrirtæki þetta vill frekar finna lausn á vandmálinu án þess að fara lyfjaleiðina. Þetta er mjög jákvætt skref í átt að því að finna aðrar lausnir en að fara í völundarhús lyfjafyrirtækjanna.

Jæja ég lét mig loksinns hafa það að fara á tónleika með félögum í Brain Police. Þeir voru að fagna útkomu nýrrar plötu. Til hamingju strákar. Þeir voru þrusuþéttir og gaman að sjá þá spila við góðar aðstæður. Björninn stóð sig eins og hetja á trommunum og bassinn þéttur með. Gulli fannst mér sýna afburðargítarleik þarna, það var eitthvað svo geggjað sánd á gítarnum og flott það sem að hann var að spila. Söngurinn var góður eins og venjulega og þetta band á eftir að gera góða hluti. Þeir eru einlægir í því sem að þeir eru að gera og vita nákvæmlega hvað þeir eru að gera. Þetta er ekki beint tónlist sem að ég er að fíla en þeir gera þetta samt rosalega vel. Þetta er þungt band.
Gaman var að fara á tónleikanna vegna þess að ég hitti mikið af kunningjum að norðan og það er ekki oft sem að maður kemst í tæri við það... allaveganna fær Brain police fullt hús stiga hjá mér... fullt hús stiga gæti líka verið fullt hús af stigum þ.e hús sem er hátt en ekki með lyftu, bara fullt af stigum út um allt.......

Árið er 1984, það er haust og lúsaberin litu út fyrir að vera að springa af hamingju. Það var ekki annað að gera fyrir gengið að fara niður á eyri og svima eftir plaströrum á lóðum fyrirtækja höfuðstaðsins. Það var ljóst að ef að ekki yrði farið í þetta núna, yrði það hópnum dýrkeypt. Hópurinn af eyrinni var búin að gera sig kláran og það var tímaspursmál þangað til að ráðist yrði til atlögu að hópnum sem var á milli þess að vera á eyrinni og á brekkunni.
Hjólin snérust hratt því að það þurfti að koma við á nokkrum stöðum. Byrjað var á öllum kaupfélögum og þar sem að uppþvottahanskar seldust upp á þessu tímabili. Rauðir hanskar voru keyptir frekar en gulir vegna betri endingu á þeim. Álag á þessum gúmmívettlingum var gífurlegt.
Nú vantaði bara tommuplaströr og einangrunarlímband til að fullkomna hina einu og sönnu túttubyssu. Það var aldrei sama hvernig þetta var gert og hafði hver einstaklingur sína aðferð við þetta. Tíu byssur á fimm einstaklinga var nauðsynlegt sökum þess að ef að eitthvað kom upp á þá þurfti að vera hægt að grípa til aukabyssu.
Klukkan var langt gengin í átta og vitað var að upp allt mundi fara á suðupunkt milli átta og níu. Stefnan var sett á að laumast niður fyrir Glerárgötu og reyna að freista þess að færa stríðið fjær heimavelli. Sókn var alltaf besta vörnin.
Þeir voru allir dökkklæddir og áttu von á því versta.
Klukkan hálf níu var komið að því, annar hópur af svartklæddum árásarmönnum sáust bregða fyrir og ekkert annað hægt að gera en að splitta hópnum upp. Allir fylltu munninn af lúsaberjum og spýttu í byssurnar, það var komið að því.

Það er stundum eins og að ég sé að vinna í verlunarmiðstöð. Þessi tilfinning er vegna þess að tveir einstaklingar þurfa að hlusta á tvær mismunandi útvarpsrásir á sama tíma. Það er víst ekki sama hvaðan fréttirnar koma.

Jæja ég er á lífi. Ég hef haft of mikið að gera, verður þannig þangað til prófin eru búin. Það er svo erfitt að hugsa þegar að orkan fer í að halda sér á floti. Hef það rosalega fínt og maður má ekki kvarta.
Hef verið að spá í því hvernig það er að vera miðill. Já ég sé hér að það er sennilegt að þú munir ferðast eitthvað á næstu mánuðum...hver ferðast ekki í einhverju mæli. Já það er greinilega einhver í þínu lífi sem að þú hefur áhyggjur af, ég get sagt þér að sá/sú mun taka sig á og þú þarft ekki að hafa áhyggjur..blabla..Í fyrsta lagi á maður ekkert að vera að láta aðra fara í taugarnar á sér og allra síst að reyna að breyta fólki til betri vegar....nei þetta eru bara svona pælingar, ætla að vona að mamma sjái þetta ekki. Mamma er búin að fara oftar til miðils en í sund um ævina. Samkvæmt því ætti ég að eiga 100 börn og vera doktor í einhverju og hafa átt heima út um alla Evrópu...kannski á þetta eftir að rætast nema hvað Hjördís er sennilega ekki til í hundrað börn, að sjálfsögðu fræðilega ekki hægt...Höldum okkur á jörðinni.

Hvað er hvetjandi í dag. Vinna fyrir peningum, fá peninga fyrir að vinna. Lesa til að læra, læra til að lesa. Eninga meninga, allir tala um peninga. Súkkadí búkkadí best að fá sér kófí Annan...

Er þokkalegur í dag.....verð betri seinna....

Ég er búin að hlæja svo mikið af Douglas Adams síðustu mínútur að ég verð að koma með nokkur quote.....

"His eyes seemed to be popping out of his head. He wasn't certain if this was because they were trying to see more clearly, or if they simply wanted to leave at this point."

"There are of course many problems connected with life, of which some of the most popular are `Why are people born?' `Why do they die?' `Why do they spend so much of the intervening time wearing digital watches?'"

"Komodo dragons sleep headfirst in large burrows. It is a very, very, very bad idea to even think of pulling its tail."

"In the beginning the Universe was created. This has made a lot of people very angry and been widely regarded as a bad move."

"Dennis Hutch had stepped up into the top seat when its founder had died of a lethal overdose of brick wall, taken while under the influence of a Ferrari and a bottle of tequila."

Dagurinn er í dag er bjartur og kaldur, í dag er dagur til að heyra í Gumma í Osló. Fréttir af því síðar.

Spjallaði við Balla Ringsted, listaspýru, gítarleikara, pabba og fl. á MSN áðan. Hann sendi mér snilldarmyndir, þarf að fá leyfi hjá honum til að sýna ykkur. Balli er að skrifa lokaritgerð í myndlistarskólanum á Akureyri og er upp fyrir haus í verkefnum. Litli endurskoðandinn sem að gistir hjá okkur þessa daganna situr núna í seinna prófinu sýnu og það er eitthvað 8 klst próf. Það er geggjun en ég vona að það gangi vel hjá henni.
Ég sjálfur vaknaði 05:30 í morgun, mér finnst eins og að ég hafi verið í blackouti þegar að ég keyrði í vinnunna, það er svo langt síðan. Fór og skoðaði frystikistu í gær í Expert, hvenær fór ég að skoða svoleiðis, jú þetta er nýtt hobbý. Ég fer alltaf einu sinni eða tvisvar í viku og fæ nýjustu upplýsingar um kisturnar. Það er ekkert skemmtilegra en að vita að það sé til Norskar 108 lítra kistur og einnig þýskar 450 lítra. Mig langar að kaupa Norska 108 lítra kistu til að fylla hana af kjöti. Það er sennilega ekkert betra en að vita af fullri Norskri 108 lítra kistu af kjöti í geymslunni. Þarf að fara í skólann í kvöld þar sem að selurinn ætlar að setja mig í hópverkefni. Það er akkert allt of gaman að vera í hópverkefni í þessu fagi sem að farið hefur aðallega fram á netinu.. jæja skiptir ekki máli.. gera það sem að maður þarf að gera..

Ákvað að stela þessum brandara í tilefni dagsins...

Það eru aulýsingar í útvarpinu sem að eru að fara í mig. Það er einhver andardráttur og svo kemur rödd og spyr hvort að þetta sé svona hjá okkur, lungnaþembuáróður. Vinnufélagi minn sem að reykir ekki benti á það að einhver léti í sér heyra ef að í útvarpinu heyrðist bara smjatt og rop, svo kæmi rödd sem að segði: Er verið að troða í sig. Ertu líklegur til að verða baggi á heilbrigðiskerfinu.. eitthvað í þá áttina. Nei það er hrillilegt að reykja enn best að fá sér samt Kofi Annan. Núna þarf ég að láta kaffið kólna og hella því í munninn í Forest Gump stellingu svo að kaffið fari ekki í holuna.

Skilst að það sé mikið að gera á skrifstofunni í Stokkhólmi og ég sendi þeim baráttu kveðjur..nota bene Svíar fíla ekki Þursaflokkinn, Þeir gráta af skelfingu.....

Manni kippt úr umferð sökum tilvistarkreppu tannlæknis.
Ég varð fyrir barðinu á tannlækni í gær. Ég, einni tönn fátækari varð að sætta mig við að vera sendur heim og engjast. Ekki meira um það en éh hringdi í tannlækninn minn í morgunn og kvartaði vegna ýmissa formgalla á þessarri aðgerð í gær. Ég er glaður að hafa kvartað, allt of oft gef ég eftir og sé svo eftir því. Það kemur mér ekkert við hvað verður um kvörtunina mína en það er allavega fullt af tannlæknum á Reykjavíkursvæðinu sem að er til í að fá peningana mína. Annars þarf ég ekkert að fara til tannlæknis á næstunni. Bara ein hola sem að full af blóði sem stendur. Ekki meira af þessu..

Þegar að bloggið fer í stafarugl þá er virkilega góður dagur fyrir stóra rauða brunabíla. Ég búin að gera skrif aldarinnar en nenni engan veginn að laga það. Þið eruð ekki heppinn í dag..

Maður dagsins er Árni Hólm:

Árni snillingur hlýtur þennan titil fyrir að hafa reddað miðum á Muse. Árni hefur ekki bara bjargað deginum heldur vikunni. Hann á endalaust hrós skilið. Það er ekkert sem að stendur í vegi fyrir inngöngu hanns í mafíuna.
Ég óska Árna góðrar helgar....

Þegar að Snorri Ásmunds verður Forseti Íslands þá ætla ég að fá embætti hjá honum ( hann hlýtur að redda því ). Ég ætla að verða umboðsmaður íslenska rútubílstjórans. Ferðast um og kynna bílstjóranna fyrir útlendingum. Hverjir eru þessir menn sem að keyra með útlendinga út um allt land. Mennirnir sem að gefa sig alla fyrir land og þjóð. Þetta eru engir venjulegir menn, þetta eru rútubílstjórar. Ég vill fá litla rútu fyrir mig til að sendast um og miklar fjárhæðir í markaðsmálin. Ég þarf að taka þetta upp við Snorra, mögulega getur þetta komið sér vel fyrir hann í forsetaslagnum.

Ég heyrði geðveikt lag um daginn. Var að krúsa um á ljóninu ( peugeot ) og í útvarpinu var lag með Mike Oldfield af plötunni 5 miles out. Lagið er samnefnt plötunni og þetta gæti verið platan sem að Hjördís gerir mynd út frá. Ég verð að komast yfir þessa plötu. Skilst að hann hafi gert þetta mest allt sjálfur. Ég skoðaði heimasíðu sem að hann er með en kannski ætti hann bara að vera að hvíla sig. Veit samt ekki alveg.

Jæja bloggið komið í lag, snillllld. Ég rakst á þessa frétt og ég get því farið að poppa aftur í stað þess að éta tómata á kvöldin. Annars eru tómatar ansi góðir. Það kom einstaklingur til mín áðan og spurði hvort að ég væri til í að svara spurningalista sem að hann var með. Þetta er maður sem er í rekstrarfræði námi í Álborg. Auðvitað var ég til í það þar sem að viðhorf mitt til kannanna breyttist þegar að ég fékk áhuga á félagsfræði. Systursonur konunnar minnar ætlar að verða tvennt þegar að hann verður stór, Súperman og Félagsfræðingur. Þetta er sennilega mjög góð blanda af starfsframa þar sem að ferðakostnaður lækkar til muna. Verð að styðja hann í þessu.
Er að hugsa hvernig ég kemst á MUSE tónleikanna, það er ljóst að ég verð ekki í svefnpoka niður á laugarvegi í nótt og ég er að vinna í fyrramálið. Þetta er eitthvað vonlaus staða. Þegar að ég var í Sverige þá pantaði maður bara miða á netinu. Svíar eru ekkert hrifnir að því að láta fólkið sitt sofa úti vegna miða á uppákomur. Þeir kaupa bíómiða á netinu, vegna þess að þeir eru skipulagðir. Hér er síðan sem að þeir nota. Verðum í bandi.

Sumir dagar eru bara ekki neitt. Dagurinn í dag var ekki neitt, hann bara gufaði upp. Fór að vinna í morgun eins og venjulega. Ég var samt glaður þegar að ég krúsaði á pelanum ( Opel Record 85 ) eftir sæbrautinni. Það er svo fínt veður þó að það sé smá rigning og svona. Búin að læra það að það er miklu betra að hafa bjart í kringum mig í vinnunni. Áður en ég kom frá útlöndum þá hafði ég alltaf eins litla birtu ég ég komst upp með í vinnunni. Núna er þetta á hinn veginn. Hvað þýðir þetta. Getur verið að ég sé bjartur..í sumarhúsum. ahhhh matur to be continued,,,,

Annað hvort er lærið sem að við elduðum í gær risastórt eða ofninn okkar of lítill. Það þurfti að skáskjóta því inn í ofninn til að elda það. Man ekki eftir því að læri hafi verið svona stór þegar að ég var lítill. Það ætti í raun og veru að vera minna miðað við að ég hafi stækkað, furðulegt. Ég veit allavega hvað ég mun vera að borða næstu daga.
Helgin var mjög fín, fór á kaffihús með Árna og Heimi, sem á heima út í heimi. Það sem að var snilldin við þetta var að Pixies var eina hljómsveitin sem fékk að njóta sín. Það var bara spilað Pixies í þessa tvo tíma sem að ég var þarna. Hjördís kom heim í gær og var rosalega sátt við hvernig þetta gekk hjá þeim um helgina ( veit aldrei hvort að hún er að vinna fyrir erlenda njósnaaðila eða kannski var hún á landsfundi VG um helgina). Nei nei nei sennilega ekki. Það var frábært að fá hana heim aftur.
Það fer að styttast í próf hjá mér og ég þarf að fara að vera duglegur. Ég tók mér algjört frí á laugardaginn en ég þurfti þess. Það verður að vera smá slaki einhversstaðar. Ég hef ekki séð neinar myndavélar eftir að ég náði að slaka á. Ég held að upptökur á Maggishow séu ekkert í gangi þegar að ég er slakur. Það er reyndar skiljanlegt því að það er ekkert séstakt að gerast þegar að ég er rólegur.
Ætli maður losni við flughræðslu ef að maður er með flugrekstrarleyfi..

Dagurinn í dag er búin að vera frábær. Vaknaði fyrir 08:00 og keyrði Hjördísi í vinnuferðina sína. Alltaf skrýtið þegar að hún þarf að fara eitthvað og vera yfir nótt. Jæja ég fór heim og fékk mér morgunmat og kaffi. Litli endurskoðandinn sem að gistir hjá okkur kom svo fram að fá sér morgunmat áður en hún fer að halda áfram að læra fyrir þessi endurskoðanda próf dauðans. Það er alltaf í uppáhaldi hjá mér að taka daginn snemma um helgar, þó að það takist ekki alltaf. Það er einfaldlega great að vera búin að gera helling af hlutum fyrir hádegi á laugardögum. Núna er ég búin að lesa blöðin, fara út að hlaupa og fara í góða sturtu. Sit í eldhúsinu með kaffi og hlusta á DJ Crush.....
Það er eitt fyndið þegar að maður fer snemma út að hlaupa þá sér maður stundum einstaklinga vera að koma sér eitthvað eftir djamm gærkvöldsins. Glaður að þurfa ekki að standa í þessarri vitleysu.
Ég ætla að eiga frí í dag og gera eitthvað skemmtilegt. Ég sé fyrir mér að tromma eitthvað og fara í heimsóknir. Reyndar á ég matarboð hjá Pabba og Co í kvöld. Lífið er einfaldlega pottþétt.
Ég er búin að vera svo stressaður í vikunni vegna mikilla anna í vinnu og skóla. Á tímabili var ég orðin viss um að ég væri þáttakandi í The Truman show. Það hefur ekkert verið eðlilegt hvað allir hafa verið að flækjast eitthvað fyrir mér. Á miðvikudagskvöldið stóð ég fyrir utan íbúðina og var að reykja, allt mjög rólegt í götunni. Ég tók upp gsm og hringdi, hvað gerist, jú allt í einu þurftu fullt af bílum að fara keyra fram hjá og ég heyrði ekkert í símanum. Það sem að gerist næst er það að ég keyri út götunna í rólegheitunum og þegar að ég er kominn í enda götunnar þá kemur bíll og ætlar að keyra inn einstefnugötunna. Þetta gat ég ekki leyft vegna þess að hann var fyrir mér. Jú koma ekki bílar úr öllum áttum og þarna var orðin umferðarhnútur. Þetta á náttúrulega ekki að vera hægt. Jæja þetta leystist og ég keyrði af stað og leit í kringum mig til að athuga hvort að myndavélar væru í sjónmáli. Ég keyri niður Lönguhlíð og stoppa í vídóleigunni til að grípa tóbak. Þegar að ég sest upp í bílinn og ætla að fara að bakka út á götu þá er eins og að allt sé að bilast í umferð. Ég taldi tólf bíla sem að þurftu að vera að keyra þarna á þessum tiltekna tíma. Ég vill bara benda á að þetta er ekki eðlilegt.
Hvað um það, ég er rólegur núna og í þokkalega góðum gír. Eina sem er að pirra mig núna er Bush, og það á ég sennilega sameiginlegt með fullt af fólki. Nýju fóstureyðingarlögin hanns eru ótrúleg. Var að lesa pistil Illuga J. í fréttablaðinu og hann er alltaf svo ótrúlega magnaður.
Jæja best að fara að klára kaffið og setja í gírinn fyrir toppdag....

Hvað er að gerast í dag. Var töluvert glaður þegar að ég skrönglaðist út úr húsi í morgun. Enginn snjór, gaman fyrir mig leiðinlegt fyrir aðra. Mér finnst að það eigi ekkert að vera snjór í Reykjavík. Þetta er höfuðborg Íslands og fullt að gera hjá öllum og snjór tefur bara fyrir. Mér finnst allt í lagi þó að það sé snjór á Akureyri því að þeir þurfa að fá fólk í bæinn sem að stundar skíði og svoleiðis. Ég legg því til að Reykjavík verði hér eftir snjólaus borg. Ætli R-listinn geti lofað því, hvað varð annars um loforðin....Verð alveg þokkalega pirraður þegar að ég þarf að fara um gatnamótin hjá Kringlunni. Afhverju er ekkert gert í þessari dauðagildru. Abbb ætla ekki að vera pirraður í dag..

Talaði við Óla IT í Stokkhólmi áðan. Það er aldrei lognmolla í kringum hann. Hann er að brasa í Þessu og svo er hann að gera þetta og einnig að dunda í þessu.. Hann var samt mjög hress. Það er þannig þegar að maður spjallar við hann þá dettur hann stundum út vegna rosa áhuga á tölvum. Þetta er eitthvað sameiginlegt einkenni á tölvudúddum. Bara detta út og maður situr eftir sem illa gerður hlutur og reynir að klóra sig fram úr einhverju sem að er ofan á brauð fyrir þessa gæja. Hættulegir gæjar sem að munu ráða öllu seinna meir. Gott að eiga þá fyrir vini...góða vini...

Það snjóar það snjóar ekki. Hjördís er glöð með snjóinn ég er hinsvegar ekki eins glaður með snjóinn. Það þýðir að ég þarf að fara aftur í biðröðina hjá Barðanum. Gummi snillingur var einu sinni að vinna aðeins á Barðanum áður en hann fór til Norge. Hann sagði að þegar allt bilaðist vegna hálku þá fengu þeir kók og prins súkkulaði til að halda þetta út. Gáfulegt næringarprógram þar á bæ. Nú er Gummi hinsvegar að gera allt annað og miklu skemmtilegra og getur étið lambalæri ef að hann er orðin þreyttur eftir að vinna á nýju tölvunni sinni. Frikki Gull sagði mér allt um nýju tölvunna hans Gumma í gær og mér skilst að þetta sé einhverskonar vél sem að maður breytir afstöðu gervitungla með ef að manni dettur í hug. Tækjaóðir fjandar.
Þetta minnir mig á hindrunargolfið í Brave New World. Maður þarf alltaf að kaupa meira til að verða samkeppnishæfur. Geggjað að gera hjá mér eins og venjulega og stefnir í kofi annan eftir þennan punkt.

ER AÐ FARA Í PRÓF Í KVÖLD.

Hvað sem því líður er ekki annað hægt að segja að maður sé hress. Helgin tiltölulega róleg en ótrúlega fljót að líða. Horfði á sænska mynd í sjónvarpinu á laugardaginn og það var helv... gaman. Jæja ég verð að halda hugsunum um efni prófsins í hausnum þannig að ég get ekki sleppt mér hérna. Verðteygni blahhhhhh.........heyrumst..