Jæja nú fer að styttast í verklok hér í hlíðunum. Húsið að verða mjög fallegt og allir náðu saman um litinn á húsinu. Þetta er aðeins dekkra en húsið við hliðina en á samt eftir að lýsast aðeins.










Það sjást vel skilin á litunum á bílskúrnum. Lokssins fer þessi bílskúr að líta vel úr. Akkúrat þegar við förum að flytja. Við vorum jú að skrifa undir kaupsamning í dag...










Það er gaman að vita til þess að þetta er allt gert með gamla laginu þar sem þeir kasta þessu á en sprauta ekki eins og margir gera í dag. Sá sem er í verkinu hefur verið í þessu í 50 ár.










Það verður svo fínt þegar við getum lokssins horft út um gluggana sem eru líka nýjir....

Hér er allt í gangi

Svo aðeins meira þar sem gaman verður að sjá breytingu á svip hússins þegar að hvítir gluggar verð komnir á staðinn.

















Hér má sjá rúðurnar við bílskúrinn og það má benda á að bílskúrinn verður steinaður og viðgerður þannig að lokssins mun hann líta vel út.
















Hérna er svo þvottahúsið eftir að gler var sett í, svo á eftir að loka þessu af..

Gluggaævintýrið heldur áfram og herinn mætti þótt um helgi væri að ræða.

Hérna eru þeir að tæta gluggann í svefnherberginu og samkvæmt því sem þeir sögðu þá var timbrið í glugganum svo sannarlega komið til ára sinna.







Hérna sést kannski hvernig þetta lítur út. Stykkin voru semsagt hreinsuð alveg úr. Hérna sést Ási sem stjórnar þessu á fullu við að rífa þetta úr.










Svona var svo útsýnið út um stofugluggann í dag, það verður að viðurkennast að þessir gaurar eru hörkuduglegir. Það er líka gaman að sjá hversu vel þeir taka til eftir sig í lok dags þar sem mikið af timbri og gleri falla til.









Svona leit þetta svo út í lok dags. Það vantar meira gler en það kemur á þriðjudag. Þetta er svo sannarlega útlitsbreyting þar sem þykktin á timbrinu er svo miklu meiri en fyrir var...

Nú er allt að fara í gang hérna hjá okkur þar sem flokkur manna er að rífa gluggastykki úr húsinu og byrjað er að setja nýja í. Það er stefnt að því að setja í íbúðina okkar um helgina sem er gott því ég vill vera á staðnum þegar þetta er gert.














Eins og sést á þessum glugga sem er í sameigninni þá má ekki mikið út af bregða svo að allt fari af stað. Hérna var ekki sagað á einum stað og þetta rifnaði allt saman. Þetta verður þó allt lagað.

Ég ætla að hafa þetta með á blogginu mínu í sumar til að halda aðeins utan um þetta í sögubókinni minni.

Eftir að gluggarnir verða búnir kemur annar flokkur sem tekur allt húsið í nefið og ætlar að klára það fyrir lok september. Þetta er heljarinnar framkvæmd og það verður erfitt að flytja eftir að þetta verður allt klárt...

Alveg er það magnað að ég er búinn með skólann minn. Það var alltaf nóg að gera í þessu og ég á eftir að sakna þess að mæta þarna í tíma, hversu skrýtið sem það er. Nú þarf ég bara að ákveða hvað ég geri í framhaldinu. Ekki ætla ég að rjúka af stað þar sem ég veit að nóg verður að gera hjá okkur á næstu mánuðum. Það er fyrirséð að við verðum að stækka við okkur í húsnæði og nú eru að hefjast suddalega miklar framkvæmdir á húsinu sem við búum í. Það er verið að skipta um alla glugga og svo verður húsið allt viðgert og steinað upp á nýtt. Þessu fylgir hellings vinna þar sem ég þarf að taka upp hellur og leggja upp á nýtt og svo verður að laga eftir gluggakarlanna þar sem þeir taka öll gluggastykkin úr. Þetta verður til þess að maður verður að laga og mála helling svo þetta líti vel út. Svo verður þetta selt þegar allt er búið í haust. Það er ekki endilega löngun að flytja heldur vantar okkur bara nauðsynlega nokkur herbergi og bílskúr til að þetta verði í lagi. Staðsetningin er alltaf jafn frábær hérna í hlíðunum.. Að geta labbað niður í bæ, í Nauthólsvík, Kringluna, Miklatún, Öskjuhlíð og fleira er algjör snilld að mínu mati.

Nú er verið að skipta ráðherrastólum og ég er nokkuð sáttur fyrir utan það að ég vildi sjá Björn Bjarnason úr stólnum sínum, hann hefði svo sannarlega mátt taka pokann sinn. Í heildina virðist þetta vera fínt og af einhverjum ástæðum þá er ég ánægður með að VG fá ekki að taka þátt í stjórn. Ég var að hugsa um það í bílnum í dag þeir sem styðja VG láta eins og þessi flokkur sé sá eini sem vilji hafaumhverfisvernd á sinni málefnaskrá..... Æi þetta gæti þó verið verra....

Fyndið hvað þetta kvikindi sem á afmæli hafði mikið að segja á sínum tíma, ég mu aldrei gleyma því hversu gaman var að stytta sér stundir í þessu. Maður gat gleymt stað og stund.

Til hamingju með 25 ára afmælið Sinclair....

Langt síðan ég hef bloggað, þetta hef ég skrifað 100 sinnum áður. Ég er reyndar duglegur Bríetar megin en hún verður að fara taka við sínu bloggi sjálf. Allt er við það sama og við berjumst við veikindi sem eru kannski ekkert af rosalegri stærðargráðu en það er ekkert gaman fyrir Bríeti að halda ekki út heila viku hjá dagmömmu án þess að enda á spítala í tékki. Vonandi fer þetta að minnka svo hún fái tækifæri til að láta mömmu sína og pabba fara með sig í húsdýragarðinn. Það verður sennilega allt vitlaust þegar það gerist. Bríet hefur horft stundum á Animal planet og skríkir reglulega þegar að hundar og kettir birtast á skjánum.

Ég er að fara í próf 2. maí, er að reyna undirbúa þá setu þessi kvöld og vonast til að slefa þetta og verða þá laus við skólann þennan.

Ekki veit ég alveg hvað tekur við en ég hef ákveðið að klára þetta áður en ég fer að básúna um hvað mig langar til að fara læra. Maður verður að fara spýta í lófana svo maður verði ekki mikið eldri en kennararnir.

Sumarið er framundan og við erum ekki búin að ákveða hvert verður farið. Svo eru stórframkvæmdir að hefjast hérna á húsinu þar sem verður skipt um alla glugga til að byrja með svo tekur næsta gengi við og gerir við allar skemmdir á húsinu, svo verður það steinað upp á nýtt þannig að það verður alveg glæsilegt. Verst að það sé bara eitt svefnherbergi hér því maður gæti vel hugsað sér að vera hérna áfram þegar búið verður að taka allt í gegn. Ég mun gera þessum framkvæmdum skil hérna eins og áður en mér finnst gott að setja það inn því þá er hægt að skoða þetta eftir á. Ég tók mér til um daginn og coperaði bloggið inn í word og það endaði í tæplega 300 bls af rugli sem ég hef sett hérna inn. Þetta eru því ágætis heimildir um hvað er að gerast.

TesT