Það hefur verið gaman hjá okkur upp á síðkastið, páskarnir snilld fyrir norðan og Bríet sem er 5 mánaða í dag er svaka hress. Það fer sennilega að styttast í tönn þar sem hún er afar iðin við að setja putta í munninn sinn og naga. Ég er á síðustu skólaviku fyrir próf og þarf að lesa hressilega núna og hnýta lausa enda. Við fórum í grill til Viðars í og Tómasar í gær, þeir voru hressir en Anna Karen er í Kína. Það var ekkert smá góður matur sem við fengum hjá þeim og við fórum alsátt að vanda frá þeim á Flókagötu..
Bríet fór í ungbarnasund á föstudaginn og við skemmtum okkur vel, við héldum að hún yrði kannski ekki sátt en hún fílaði sig vel eftir smástund í vatninu, svo fórum við í heitan pott á eftir og hún virtist fíla það líka. Það er mjög sniðugt að gera þetta til að venja hana við sundið þar sem það verður hluti af hennar lífi, við erum mikið sundfólk.
Snúllan er búinn að fara á kostum upp á síðkastið og alltaf eitthvað nýtt að gerast hjá henni.

Það fer að styttast í að við förum með hana í sólina og verður gaman að fylgjast með hvernig hún fílar það. Ég er líka spenntur þar sem gaman er að fá smá frí frá vinnu og einnig verður skólinn búinn þegar að þessu kemur.

Við erum í dagmömmuvandræðum og vonumst við til þess að það leysist farsællega á næstu dögum. Við hefðum átt að vera lööööngu búinn að græja þetta mál þannig að við verðum að taka á þessu máli.

Snjór í dag í Reykjavík og ég hélt að ég ætti klippingu klukkan átta en þegar að ég mætti þá kom í ljós að þetta á að gerast í fyrramálið, hvernig stendur á þessu rugli í manni. Ekki það að hárið sé í augunum á mér en það er nú einu sinni komið sumar...

Var að skoða mbl.is áðan og eitthvað þunnur þrettándi í gangi þarna, headline í innlendum fréttum var m.a Klæðskera saumuðum jakkafötum stolið úr bíl, Bað um fullt glas af vodka, organistar mega gefa út gjaldskrá fyrir útfarir og kistulagningu, í annarlegu ástandi við apótek....... þetta er algjör snilld.... þetta ætti frekar að vera í hliðardálki á 3. blaðsíðu í Fjarðapóstinum....... ..